ഖത്തർ എയർവേയ്‌സ് സർവീസ് പുനഃസ്ഥാപിച്ചു – യാത്രക്കാർക്ക് റീഫണ്ടും ഫ്‌ളൈറ്റ് തീയതി മാറ്റാനുള്ള അവസരവും

ദോഹ:
ജൂൺ 23-ന് താൽക്കാലികമായി കത്തറിലെ വ്യോമപാത അടച്ചതിനെ തുടർന്ന് അസ്വസ്ഥതയുണ്ടായിരുന്ന സർവീസുകൾ വീണ്ടും പതുക്കെ സാധാരണ നിലയിലേക്ക് കൊണ്ടുവരുന്നതായി കത്തർ എയർവേയ്‌സ് അറിയിച്ചു. ജൂൺ 26 വരെ ചില സർവീസുകൾക്ക് മാറ്റങ്ങൾ ഉണ്ടായേക്കാമെന്നും യാത്രക്കാർ ജാഗ്രത പാലിക്കണമെന്ന് കമ്പനി അറിയിച്ചു.

2025 ജൂൺ 30 വരെ യാത്രയ്ക്കുള്ള ടിക്കറ്റുകൾ എടുത്തവർക്ക് വിമാനക്കമ്പനി ഈ രണ്ട് പ്രധാന സൗകര്യങ്ങൾ നൽകുന്നു:

ടിക്കറ്റ് തീയതി മാറ്റാം: ആരെങ്കിലും യാത്ര വൈകിക്കാൻ ആഗ്രഹിക്കുന്നുവെങ്കിൽ, ജൂലൈ 15 വരെ വേണമെങ്കിൽ തിയതി മാറ്റാമെന്ന് എയർവേയ്‌സ് വ്യക്തമാക്കി. അതിനായി അധിക ഫീസ് വേണ്ടതില്ല.
പണം തിരികെ വാങ്ങാം: ഇനി യാത്ര ചെയ്യാനില്ലെങ്കിൽ, ടിക്കറ്റ് ഉപയോഗിക്കാത്തവർക്ക് പൂർണ പണം തിരികെ കിട്ടും. റദ്ദാക്കൽ ഫീസും വേണ്ട.

ഇതിനൊപ്പം പുതിയ വിവരങ്ങൾക്കും അപ്‌ഡേറ്റുകൾക്കും വിമാനക്കമ്പനിയുടെ ഔദ്യോഗിക വെബ്സൈറ്റ് അല്ലെങ്കിൽ മൊബൈൽ ആപ്പ് പരിശോധിക്കണമെന്നുമാണ് യാത്രക്കാർക്ക് നിർദേശം.